|
Shirley Valentyn Met Shaleen Surtie-Richards
Wenner van die gewildheidsprys by die ABSA KKNK en Aardklop, sowel as ‘n Fleur du Cap-toekenning.
Sy’s terug! Na meer as eenhonderd vertonings landwyd kom maak Shirley weer 'n draai in die Johannesburg. Haar reis van onderdrukte huisvrou tot 'n volwaardige Shirley Valentyn is steeds een van die roerendste, mees eerlike ervarings wat tans op die Suid Afrikaanse verhoog te sien is.
Shaleen Surtie-Richards is Shirley Paulse: die ma, die vrou. Op 'n dag besef sy dat sy nie meer dié vrou wil wees nie. Sy mis vir Shirley Valentyn - die vrou wat hard kon lag, wat vir niks bang was nie, wat van die huis se dak af kon spring net omdat sy lus was. En sy besluit om haar te gaan soek.
‘Dit is min dat ‘n mens Surtie-Richards in so ‘n nommerpas rol beleef met ‘n vertolking wat ‘n mens vir ‘n tweede keer na die kaartjieskantoor wil laat hardloop.’ Beeld
'Die essensie van menswees word in hierdie stuk met deernis en eerlikheid vasgevat. In hierdie opsig is dit ‘n inspirasie; as verhoogstuk ‘n onvergeetlike ervaring.' Die Burger
'Shirley Valentyn... is one of the finest productions I have ever seen.' Artsmart
'It's a magical play that reaches its target audience through humour, draws them in and silences them with pathos...' Pretoria News
Deur Willy Russell Teks vertaal/verwerk Hennie van Greunen Regie Hennie van Greunen Stelontwerp Kosie Smit Verhoogassistent Rudi Kruyshaar
Aangebied deur Kosie House of Theatre, Wordsmith’s Theatre Factory en Joburg PROMUSICA
Joburg Promusica, Roodepoort 27 & 28 Augustus 2010 @ 20:00 R120 Bespreekings by Computicket
Tydsduur: 120 minute, insluitend 20 minute pouse. Deure open: 20 minute voor vertoning
|